兩女侍一夫
光仔每個月未到月尾就已經囊空如洗，大家咪以為佢收入少呀，查實佢人工有成三萬銀，咁點解會搞成咁呢？咪就係因為衰沉船囉！佢仲唔止沉一隻，而係沉兩隻添！光仔解釋，呢兩個囡囡其實係一對好姊妹，感情要好，因此唔介意兩女侍一夫喎，即使安排佢哋住埋同一間屋，都唔使驚兩人會爭風呷醋，又唔使擔心佢哋冇伴會悶親，最重要就係可以玩三人同床，光仔話呢種享齊人之福嘅感覺，真係超正！不過正還正，呢種享受全靠金錢換番嚟嘅，事關光仔每個月將八成份糧畀晒兩位哎吔老婆，剩番嗰啲錢，只夠佢自己用嚟搭車同找卡數咋！最近，我錨王收到風，話光仔間公司裁員，而佢係其中一分子，唔知失業冇收入嘅佢，仲可唔可以享齊人之福呢？