兼職王者 艾琦魅力沒法擋

近年好多內地模特兒都係大學生，當中唔少仲係半工讀，好似今日介紹呢位嚟自成都嘅艾琦就係其中之一，咪睇佢只係個兼職模特兒，但人氣同工作量都足以媲美名模，可見其實力非凡。

現於成都西華大學修讀舞蹈嘅艾琦，自小就好喜歡唱歌跳舞，志願成為舞蹈家，所以當初點辛苦佢都要考入大學嘅藝術學院學跳舞，皇天不負有心人，上年終於畀佢考入咗舞蹈學系，開始踏上成為舞蹈家之路。

愈拍愈放

但係呢條路並唔易行，艾琦除咗功課忙之外，更要兼職做網拍模特兒賺錢交學費，由於艾琦樣子清秀，身材高挑，故大受歡迎，於短短半年間已經拍咗多輯少女時裝照，更獲得當地一位著名攝影師垂青，搵佢拍攝性感寫真。起初艾琦都怕醜唔敢拍，經過深思熟慮後，佢一於豁出去，希望藉此博上位，去到影樓佢完全配合攝影師嘅要求，而且愈拍愈放，效果噴血度高。

點擊率高

又難怪嘅，艾琦嘅上圍有35吋D Cup，拍攝出嚟嘅效果，絕對係波濤「胸」湧，配埋纖腰長腿，簡直係魅力沒法擋。當艾琦嘅寫真貼上網後，馬上被網友火速轉貼，而且點擊率極高，由於大受歡迎，艾琦開始備受注目，最近已開始有雜誌訪問佢，遲啲仲會上埋電視綜藝節目添，真係忙過啲正職模特兒。由於艾琦仲讀緊書，所以目前工作基地都係成都，要殺到去北京同上海，睇嚟要等佢畢業之後喇！

艾琦Profile

出生地：成都

三圍：35-24-35

身高：168cm

興趣：跳舞