世界波：性感床友一個Call隨傳隨到

10個男人有9個都想左擁右抱、大享齊人之福，但可惜依家社會奉行一夫一妻制，男人只可以得個恨字！不過美國華盛頓就有班大滾友，成立咗個滾友聯盟，唔好以為聯盟會員全部都係男人，原來成員有男有女，佢哋都係奉行老婆老公可以得一個，但「床友」就不設限嘅玩樂宗旨做人。

呢班滾友聯盟，早已夾錢喺華盛頓不同區域租用「會友單位」，會員只要有需要，就可以立即Call定「床友」，衝上「會友單位」打番場友誼波，最緊要係兩個人都有需要，自然可以打得火熱，而且大家都有家室，唔驚對方會死纏爛打。

友誼第一

好多已婚男人成日心思思想出去滾，但係又怕畀女黐上身，所以呢班滾友聯盟設下嘅第一條會規，就係所有男女會員，無論進行任何形式嘅性行為，不論對方已婚與否，一切必以友誼第一、享受為上，不能涉及任何男女感情瓜葛，萬一真係擦出愛火花，聯盟就會要求佢哋立即退會，從此冇得享受「會友」樂趣，更加唔可以再從聯盟中結識任何「床友」。

唔玩雜燴

好多人覺得呢種「會友」方式，等於變相換伴，但聯盟負責人話其實兩者性質好唔同，換伴玩意係兩夫妻同意大家間中換吓床上對手，而且好多時都會玩大雜燴，最終搞到關係七國咁亂。但呢種「床友」關係其實好單純，男女雙方都係瞞住伴侶出外「會友」，又唔係召妓，所以感覺上有偷情嘅刺激感，但又唔會好似Changing Partner咁變態。

有益身心

負責人更話好多會員加入聯盟之後，生活圈子擴闊咗，同伴侶、家人嘅關係反而比以前更好。所以聯盟話「會友單位」唔一定係會員嘅陽台，有時候佢哋會好似老朋友咁，喺單位內把酒言歡、互吐心事，唔係一見面就必定要埋牙肉搏嘅。所以好多會員覺得呢種「床友」玩意，比起召妓同出外獵艷都更加安全，甚至對家庭生活有益無害添！