識睇相引死人
北上資歷接近廿年嘅輝哥，點解早唔沉船遲唔沉船，玩咗十幾廿年先至嚟沉呢？輝哥用那滿有深意嘅眼神望住我話：「錨王，你有所不知喇！條女識睇相同風水，仲好準o架！搵日我叫佢同你睇吓相喇！」輝哥果然冇吹水，過咗幾日，佢就約我上深圳飲茶，仲帶埋隻船出嚟，質素都算OK，只係裝扮始終搣唔甩嗰陣風塵味，卻估唔到佢唔出聲尤自可，一出聲我以為面前嗰個係相學專家，佢同我講：「睇你印堂發黑，你近日係咪有啲喉嚨痛、肚痛同頭痛？嗱，我呢度有道符……」其實我冇乜留心條女講乜，反而留意到輝哥此刻流露出仰慕、崇拜、自豪嘅眼神，絕對睇得出佢之所以沉船，一定唔止係鍾意隻船嘅外形咁簡單，仲當對方係偶像咁拜囉！