世界波：敬業錫身唔自拍免斷米路

近年喺世界各地好流行嘅攝影分享應用軟件《Instagram》，用家拍攝後可選擇濾鏡效果，而所拍攝嘅照片又有即影即有嘅感覺，因此上線至今用戶人數已經突破8千萬，無論係荷里活明星或者四仔脫星，都紛紛自拍慾照，上傳分享，搞到呢個分享平台被慾照淹沒。

但以下嘅4位女星，就話自己唔會玩自拍，一來質素難有保證，二來又唔想啲慾照於網上四處流傳，影響自己嘅網上寫真收入。而且佢哋更加唔想畀啲衞道之士乘機抽水，話佢哋到處渲染色情，教壞細路。

Emily Addison脫得專業

Emily話自己一向脫得好專業，唔會隨隨便便就自拍慾照或者性感照，因為賣弄性感同色情，係佢嘅專業，所以佢一定會將呢啲照片交畀專業攝影師操刀，唔會為咗催谷知名度而胡亂自拍慾照上傳。佢話咁樣做不但會影響色情業嘅發展，仲會影響埋脫星嘅收入，最終只會玩死自己，所以佢一定唔會咁做。

三圍：32DD-25-35

身高：5呎4吋

年齡：28歲

Chrissy Marie畀人杯葛

現年23歲嘅Chrissy，入行雖然唔係好耐，但已經好識諗，知道自己副Body就係生財工具，如果隨便玩自拍，等於玩殘自己，所以佢絕對贊成Emily嘅睇法。佢話呢啲App可能適合嗰啲未入行或者做極都唔紅嘅脫星用，希望可以博一博谷人氣，但如果博唔到的話，隨時會畀行內人杯葛，到時盞得不償失。

三圍：34D-24-34

身高：5呎5吋

年齡：23歲

Spencer Scott自貶身價

擁有34D上圍嘅Spencer喺四仔界以靚波馳名，又出名開放，所以佢對於呢啲自拍風氣，早已見怪不怪，佢自己有時都會私底下玩，不過就唔會上傳上網，事關佢話自己嘅慾照有價有市，如果胡亂益街坊，咪即係自貶身價，佢先至唔會咁蠢。同埋咁樣做好容易引起衞道之士嘅抗議，甚至畀人玩封殺，到時脫星都冇得撈就真係大件事喇！

三圍：34D-23-34

身高：5呎4吋

年齡：23歲

Adel Miller影迷成熟

微乳脫星Adel入行已有一段時間，佢話打算搵多幾年錢就嫁人退休，所以梗係唔會咁蠢損害自己筆「退休金」，因此佢絕對唔會玩呢啲App，更加唔會同啲後生女爭。反正鍾意佢嘅影迷，大多係40歲以上嘅成熟男士，佢哋好捨得真金白銀買寫真睇，難怪Adel寧願花時間拍輯靚寫真都唔玩自拍啦！

三圍：32B-23-33

身高：5呎5吋

年齡：27歲