客路不同

有一位澳門夜總會的媽咪問我，上面不是在打風嗎？上開去玩的人應該無處可「歸」要過來她們那邊才是呀，為甚麼她不覺得最近公司多了人客？那些人不用玩嗎？究竟他們都跑到哪裏去？這裏其實不止一個問題，其一，原本去開內地玩樂的那班客去了哪裏？其二，他們為甚麼不來澳門玩？我知道的是，去澳門的，跟北上尋歡的，其實客路是不盡相同的，尤其是深圳那班，更絕少聽他們會跑到馬交來，「雖然上面依家都唔平，但對比起濠江，上夜總會跳場晚舞想攬個女過夜你冇番四、五千元根本唔使諗……」嫌貴，加葡萄（即妒忌），再來就是他們的指定問題：「明明都係嗰啲女，點解要收貴咁多先？」這個價格上的差距，不就是顯示了兩者的質素與包裝的不同嗎？

媽咪呻完客人少，再下一城，就是說女：「囡囡呀，呢排都少好多，今時今日環境唔同晒o架啦，大家搵食易好多，使乜好似以前咁，下下都要搵間場落腳？出面大把窿路啦，冇咩？你自問條件好，過嚟返一陣工，都會有客自動埋身溝你，你想同佢長相廝守可能仲要睇運氣，但啲玩短包嘅客其實唔少，靚女轉頭就畀人包走啦！」