失戀之後神經質
老友阿剛沉船之前，係個相當專業嘅玩家，乜嘢叫專業？即係每次北上，都貫徹「留精不留情」嘅宗旨，而我就最欣賞佢夠灑脫，無論係對囡囡，定係對女朋友，唔啱Feel就即飛！不過自從前年佢喺深圳搭上咗個邪骨妹之後，性格就有一百八十度轉變，佢為咗Check住條女唔會跑去做兼職，每日每隔半小時就打電話畀對方，放假當然撲返上去見面，咁都未算，佢仲差唔多將成份糧畀晒條女任花任使，但係女方最終頂唔順被人管束，冇晒自由，結果同阿剛分手。失戀後嘅阿剛，認為條女係因為唔定性而飛咗佢，個人因此變得神經質，之後佢同女仔拍拖，都無時無刻Check實對方。見到佢性格有咁大嘅改變，真係令人唏噓！