摸黑玩

還記得第一次跟記者去到旺角一家「魚蛋檔」的畫面，它開在一幢唐樓之上，走過一條長長的樓梯，打開那道有點像當今指壓場的玻璃門，裏面黑得伸手不見五指，知道我們來做採訪，原來拿着手電筒的那位阿叔才慢慢走去將燈掣打開，似乎眼不見為乾淨！不過一見，實在是觸目驚心到不得了，滿牆斑點不特止，那一格格卡座的垃圾桶旁，地面更滿布用過的白色紙巾，很明顯，那是人客跟「姑姑」們大戰過後的痕迹！冇涼沖、冇靚女，玩的，惟有是那一份摸黑的刺激感！

有朋友最近忽然走來問我，市場上仍有這樣的魚蛋檔嗎？我想了一想，回應他道，形式是差不多，不過沒有人叫它這個名字。

這家場以舞廳之名出現，裏面當然沒有舞跳，跟魚蛋檔同樣是暗黑冇光，人客進場，就被一位阿伯帶進卡座，然後，一位上了年紀的阿姐便被帶到身前，「真係涼都冇得沖，摸吓摸吓就嚟，最多都係用茶呀、紙巾抹吓，你得唔得先？」朋友有點猶豫了。我再話：「老老實實，現場隔音差，旁邊卡位啲淫聲浪語傳得好緊要，你又得唔得呢？」他當場噤聲了。