馬場溝女日
現實生活甚或網上，總係有啲坐井觀天、不思進取嘅男人，仲會問人邊度多女出沒？通常啲答案永遠都係酒吧、D場、甚至教會，其實呢啲超廢Answer你早就清楚，娛樂場所係多女，問題係囡囡九成有「兵」相伴，你埋到身咩？學似我性甸奴咁，未識(目及)女已經開始統計邊度多女兼且有機埋手，終於畀我發現香港一個超正嘅地方，就係馬場喇！
或者你唔多信，甚至會「噓」我無料到，但若然你從今日開始留意吓，呢幾年女馬迷嘅增長人數，肯定你會漸漸相信馬場係一個好適合溝女嘅地方，話唔定從此會入場同我爭食添！喺馬場(目及)女就好似玩「困獸鬥」咁，男女馬迷逼埋一齊，睇啱就上，我可以話你聽，呢個年代已經有唔少女人鍾意單獨或全女班入場賭馬，數口同技術比啲叔伯仲要高！即使佢哋有「兵」喺身都唔使怕噃，因為賭馬就同過澳門賭枱一樣，冇感情可言，正常馬迷入場只管搏殺，即使有索女喺隔籬都唔得閒理，若然你有計嘅，打游擊係時候喇！
馬場(目及)女另一可愛之處係有Schedule，逢三、六或日，唔太緊密，中間可以休息吓，間唔中又有特別賽事舉行，就好似多一個Bonus咁，更正係有抖暑時間，畀男女雙方回吓氣。至於地點更係無敵，新界、港島各一，想搵件高質嘅過跑馬地，沙田就最多辣妹，唔少仲係「竹升妹」添！篇幅所限，下期再深入詳談！
性甸奴
80後一名，天生好性，以食盡天下女人為人生唯一目標，口講重質，實情重量！誓要一日一女直至油盡燈枯。雖然先天能力不足，但靠後天壯陽餐單及經驗互補成為啅女達人！