世界波：一眼關七性訊號出沒注意

現今嘅男女關係快來快去，尤其是美國咁開放嘅社會，更加係色慾橫流，任何場合都可以搵到一夜情對象。最近德州大學研究團隊搵咗76個男大學生進行調查，統計出男人認為女人接受更進一步關係時，會發出嘅舉動及性訊號等等，鍾意出去獵艷嘅男士，不妨睇吓準唔準。

雖然有啲舉動及性訊號都係男人一廂情願嘅想法，但有某幾個Point又的確幾準，因為大部分女人出嚟搵一夜情，都唔係隨機性，而係有計劃咁進行，所以佢哋一旦(目及)中目標，就會發出強烈訊號，表達自己嘅需要。男士們如果自問呢方面經驗尚淺，當然要好好了解一下啦！

扮飲醉

女人出得去覓食，就一定唔想空手而回，除咗會着到鬼火咁靚之外，佢哋仲會盡快灌到自己High High哋，等自己嘅防備心降低，發情時自然更加忘我。所以男人一般都認為女人無端端飲得好狼，其實亦係發情訊息嘅一種。

拋媚眼

既然第一步係飲到High High哋，之後當然係再進一步，向目標獵物拋出至姣嘅目光。不過有啲男人接收力較弱，所以女人拋媚眼嘅同時，都會連帶做出一個好誘人嘅坐姿，咁就係男人都一定收到！

輕咬唇

咬嘴唇一向係女人嘅發姣指定動作，所以當女人出到呢一招嘅時候，應該已經好心急，男人睇到嘅話，就唔使再擔心，全力出擊，將佢勾引上床啦！

咬手指

男人對於女人嘅紅唇一向有好嚴重嘅幻想，所以無論女人擺咩入口，男人都會覺得好性感。女人當然好清楚，所以對住獵物咬手指呢一招，真係萬試萬靈，係男人都會立即有反應。

舔舔脷

女人條脷其實係一個好誘惑嘅部位，某程度上仲誘惑過個胸，如果條脷嘅動作演繹得夠性感的話，任何男人都會立即舉旗致敬，所以女人一伸脷即代表志在必得。

嘴半張

呢個訊號其實比起以上5種都嚟得含蓄，其實可能係代表呢個女人正在熱身當中，或者佢暫時未有明確目標，但又想話畀人知，佢今晚有幾寂寞，需要男人嘅慰藉，所以就算你唔係佢杯茶，亦唔會太拒人於千里之外。