南方乳神王閔多
又係自拍少女，拍到踏上模特兒之路嘅成功例子，佢就係王閔多。今年20歲嘅閔多，咪睇佢高頭大馬，身材火爆，原來係廣州妹，南方女仔擁有咁高大嘅身材，真係比較少有。至於閔多係點入行呢？其實同唔少模特兒一樣，就係用手機玩自拍，結果拍吓拍吓，就拍出名堂。又難怪嘅，閔多嘅自拍寫真，全部低胸高炒，事業線一覽無遺，養眼度爆晒燈，因而被一位攝影師睇中，邀請佢拍攝一輯寫真，由於閔多身材惹火，上圍有成35吋，加埋纖腰翹臀，睇到男人血脈沸騰，當呢輯寫真放上網後，馬上引起廣告商及雜誌嘅注意，個個爭住搵閔多拍廣告及拍照，就係咁，閔多順利加入咗模特兒界。家陣佢主力喺廣州發展，希望將來可以進軍香港，如果係就好喇，到時本地粉絲就可以近距離同閔多接觸啦！
王閔多Profile
出生地：廣州
三圍：35-26-34
身高：167cm
興趣：跳舞、自拍