英雄救美有獎勵
英雄救美呢條橋由晶哥年代用到今時今日，仍然有人受落，就連美國佬都唔執輸搞咗個「救美會」，等啲鍾意扮英雄嘅男人，可以過足英雄癮之餘，仲有美女自動投懷送抱，直情係超人上身一樣，玩得好開心。
以身相許
據「救美會」負責人透露，佢哋之所以有此概念，係因為美國人好崇尚個人英雄主義，尤其是男人，更加鍾意逞英雄，保護女人。所以就索性開間會所，安排驚險場面，等會員可以大顯身手，勇救性感美人。
當然，所有驚險場面都係事先安排，會員要成功退敵簡直毫無難度，最重要係勇救美人之後，美人會知恩圖報，以身相許，咁先至叫大團圓結局，唔怪得個個都樂於做英雄啦！