最緊要食腦

性虐小說《Fifty Shades of Grey》（格雷的50道陰影）究竟有幾好賣？刺激咗幾多人開始玩性虐？細佬都冇興趣考究，但我可以肯定周邊產品嘅生意就賺到笑，坊間推出嘅性虐玩具套裝、小說性虐景點旅行團等樣樣大賣，呢期就連手機界都被入侵，好似今日推介呢個《Shades of Sex-Kinky Sex Play》，報稱係參考小說嘅劇情而設，方便男男女女親熱時可以跟住玩。官方介紹話已將小說內嘅精華集結成性遊戲，只要開始咗「旅程」後，跟住嚟玩角色扮演，就可保證晚晚都有高潮。抄人橋再炒埋一碟推出賺錢，呢啲咪叫食腦囉！

假如你未有伴侶肯陪你癲都唔使煩，事關App內有e-card方便你Send畀目標人物，透過文字同圖片，慢慢氹佢落疊，仲有好多功能未能盡錄，總之網民一句講晒：「Great！Baby……I'm off to start on night！」

名稱：《Shades of Sex-Kinky Sex Play》

收費：US$1.99 （約HK$15.5）　

平台：Android