沉出真愛
沉船當中係咪有真愛？呢個一直係玩家們熱烈討論嘅話題，而事實勝於雄辯，的確有朋友沉出真愛。話說阿輝三年前沉船，搭上一名囡囡叫詩詩，當時阿輝做生意，身光頸靚行頭十足，身邊唔少朋友都認為詩詩一定係因為阿輝有米先至跟佢。點知前年阿輝生意失敗，公司摺埋兼冇銀，畀着其他女都走夾唔抖，而阿輝仲同詩詩講，莫講話幾千銀，幾舊水家用都畀唔到佢，點知詩詩一啲都唔介意，仲話會向親戚借錢畀阿輝東山再起。最後，詩詩幫阿輝籌到二十幾萬，並從良幫阿輝做生意，結果兩人嘅生意愈做愈旺。早排小弟就收到阿輝嘅請帖，下個月會同詩詩拉埋天窗，嗱！呢啲算唔算係真愛先？