爆房地點好講究
上回提到要成功搞掂港女，最重要把口吹得兩嘴，氹佢飲多兩杯，囡囡就好易變得熱情如火，之後點發揮就要睇你功力喇！好可惜，原來就算有女送到上門，居然都有男人唔識食。我性甸奴都唔知話呢亭男人純情定戇居好，居然會有人問，入到房係咪應該問准條女，等對方點頭先開波；亦有人問第一次應唔應該同對方互有口舌服務交流？仲有人問應該帶女仔返屋企定出去爆房、做嗰陣開唔開燈……原來香港真係好多毒男o架！
其實一件女喺清醒情況下跟你走，基本上你已經成功咗一半，之後點做就要睇情況，但若然你唔想臨門「撻Cue」，令囡囡突然縮沙的話，爆房地點係致勝關鍵！好似我性甸奴咁，從來唔會拖女去嗰啲開喺唐樓嘅時鐘酒店、公寓小築爆房，亦誓死不會帶女返歸砌以免上身，要搞必然係去「九龍塘」或正規酒店玩。雖然使費高好多，但你諗吓喎，囡囡開心啲，自然投入啲，前奏落力啲，咁你亦會砌得過癮啲！
但揀正規酒店都要視乎囡囡質素而定，冇理由MK鎅到件女，就帶去中環啲5星級酒店爆房，油尖旺嗰啲6、700蚊晚嘅3星商務酒店已經OK，若然條女超正又唔同講法，就算埋單2千蚊，只要你體力好，其實一晚三鑊絕非難事，計落平均都只不過係幾百蚊一劑，抵過你過馬交沖涼揼骨啦！所以想食好嘢，記住唔好慳嗰少少錢，孤寒永遠都係溝女死症，冇得救o架！
性甸奴
80後一名，天生好性，以食盡天下女人為人生唯一目標，口講重質，實情重量！誓要一日一女直至油盡燈枯。雖然先天能力不足，但靠後天壯陽餐單及經驗互補成為啅女達人！