世界波：開班授徒Samantha Saint教健身

有人話床上運動都算係帶氧運動嘅一種，做多啲唔單止對身體有益，仲可以順便Keep Fit，所以班脫星嘅身材先會咁正。不過有脫星就話，佢哋身材好並非全靠床上運動，而係因為佢哋經常健身。日操夜操之下，有部分脫星Pro到做埋兼職健身教練，甚至開班授徒添！

脫星界一向都有唔少臥虎藏龍之輩，例如有脫星係專業舞蹈員，仲有人擁有小型飛機師牌，亦有人係專業健身教練，而當中至為人熟悉嘅，就係近年紅到爆嘅Samantha Saint。

健美女模

唔講唔知，Samantha Saint喺投身四仔界前，竟然係個健美女模，經常周圍表演健身操，亦係健身教練，難怪佢身材咁玲瓏浮凸啦！不過佢好地地做乜要轉行做脫星呢？簡單嚟講，咪因為一個「錢」字囉！有四仔迷爆料指，Samantha以前一得閒就鍾意去賭場玩番幾手，可惜佢運氣唔多好，雖然佢當時做健美女模嘅收入都唔錯，但佢吓吓咁賭法，好快就欠落一大筆街數。咁蹺有人搵佢拍裸體寫真，Samantha見個價都唔錯，就應承咗，後來影影吓就索性轉行做脫星，反而因此名成利就。

肢體柔韌

雖然當初做脫星嘅目的係為咗還債，但Samantha明言佢好鍾意呢份工，因為可以表現到佢身體嘅高度柔韌性。猶記得09年時，佢喺首次擔綱演出嘅作品《Lezstravaganza》中，就表演一字馬騎牛牛，再加彎腰後仰嘅高難度動作，即刻令佢一鳴驚人！

不過話說回來，既然Samantha聲稱家陣不但還晒賭債，又已經絕迹賭場，唔知佢有冇興趣做番健身教練呢？Samantha不諱言指，如果有健身室搵佢嘅話，絕對可以考慮吓，但大前提係唔可以影響到佢嘅四仔拍攝工作。睇嚟Samantha真係好鍾意拍四仔喎！

Profile

出生日期：1987年6月8日

三圍：34DD-24-36

身高：5呎9吋

Carmen Cocks四出表演

雖然Carmen Cocks同樣擁有健身教練資格，但佢唔想教人，反而鍾意表演多過開班！皆因Carmen唔單止識得教健身，仲好叻跳健康舞，除咗拍四仔外，更經常同班同好周圍表演，只不過唔知佢跳健康舞時，係咪都着得咁性感呢？

Profile

出生日期：1984年8月20日

三圍：38C-23-35

身高：5呎6吋

Dylan Ryder專業資格

有脫星學咗幾年健身就話要出碟教人，教嘅嘢信唔信得過，真係見仁見智。不過講到專業資格，Dylan Ryder就絕對不容置疑。皆因Dylan未拍四仔前係一位健身教練，就算佢做咗脫星，都仲有繼續開班。據講遲啲佢仲會開番間健身室，果然有料到！

Profile

出生日期：1981年2月23日

三圍：36DD-27-36

身高：5呎9吋

Sasha Cane出碟教學

講到教健身，一定唔可以唔提Sasha Cane。皆因佢早排透露，將會出碟教人玩健身。雖然人氣脫星教健身好似好有Gimmick，但教得係咪專業先？Sasha表示，佢早幾年已經考得健身教練資格，出碟教學絕對冇問題，仲叫大家一定要捧佢場喎！

Profile

出生日期：1987年1月6日

三圍：34D-23-32

身高：5呎3吋