北方佳麗爭飯碗
以往北妹同我哋援交妹可謂河水不犯井水，不過最近班北妹竟然踩過界，同我哋爭飯食，真係火都嚟呀！可能你會話：「以北妹嘅外形同口音，點樣同陀地妹爭飯食呀？」咁大家就有所不知喇，呢班北妹操流利廣東話，而且懂得打扮，一啲娘味都冇，最重要就係佢哋劈價搶客，你話佢哋仲唔係做爛市？
有姊妹就話唔使擔心，因為呢亭北妹數量唔多，而且佢哋以個人遊身份嚟幾日搵食，唔會長做。不過我就唔係咁睇嘞，皆因家陣佢哋落嚟香港好方便，真係搶走唔少客人，至弊就係佢哋畀到玩家錯覺，以為平價先至係合理價錢，最後我哋就要被迫減價，咁即係變相減少收入啦！如果呢個情況持續落去嘅話，睇怕我哋愈嚟愈難搵食囉！