爛賭媽咪
夜總會嘅媽咪又識冧人又夠窩心，若然佢有番咁上下姿色，真係好易令人心動。不過呢亭有姿色又有嘴頭嘅媽咪，卻係玩家嘅大忌！因為佢哋相當世故，好多時都係錢銀至上，對於感情嘛，囡囡出身嘅佢哋早就已經麻木晒，你估佢哋真係同你做人世咩！
早排我收到個朋友嘅電話，佢話有晚落夜總會搭上咗個風騷媽咪。從嗰日起，朋友一個星期有五晚北上會佳人，彼此仲以老公老婆嚟相稱。點知佢哋同居後，朋友至發覺條女原來好爛賭，仲經常問佢借錢還債，後嚟條女話佢阿媽急需要一筆錢醫病，朋友就畀咗十幾萬佢，點知條女從此失蹤，連工都冇返，最慘係朋友依家幫條女孭咗唔少街數，呢鋪真係人財兩失呀！