錯愛大波骨女
長情又癡心嘅人係咪零舍容易沉船呢？聽過朋友A呢單嘢，相信大家都心裏有數。話說早幾個月朋友A去咗深圳一間骨場揼骨，遇到大波骨妹小芳，對方服侍溫柔又好傾，幾次短聚後兩人漸漸熟落起來。有晚揼完骨後，小芳主動叫A等佢放工一齊去食消夜，有女送到埋嚟，A梗係應承啦，況且佢一早就想約小芳出街好耐，就喺撐枱腳期間，大家都有觸電嘅感覺，跟住順理成章上床、拍拖然後同居。點知兩人同居冇耐，有晚A返到屋企驚覺屋內多咗個三歲小女孩，原來係小芳同前夫所生的。不過，A不單止唔介意，仲每月畀家用照顧小芳兩母女，點知有晚A突然提早返歸，卻驚見小芳同個男人瞓喺床上面，呢一刻佢至知道小芳同時畀幾個男人照顧，A知道自己搭沉船，真係傷心又失金呀！