港島客質素較高

灣仔、銅鑼灣有不少著名的鳳樓大廈，每逢下班時間，每間樓梯口就碰口撞面都是一些來掃樓睇女的人客，不要以為這些跑上跑落的男人，都是宅男又或者古怪人士，事實上，不少明顯是鬆了領帶的上班族。鳳姐A之前一直在港島區那些舊唐樓工作，後來跟姊妹搬過九龍，但是做了不到半年，她又退了租，重新回到香港這一邊開檔，原因？「因為呢邊好做啲囉！」她想也不想就回應我。這一次，她租用的不是唐樓了，而是遷進來這幢鳳樓大廈。

叫得鳳樓大廈，當然她周圍都是鳳竇，不怕競爭大嗎？A說：「最初都有考慮過呢個問題o架，不過啲姊妹同我講，雖然競爭係大，但客人人流都旺番好多，如果你服務做得好，條數會喺番度o架！」雖然租金比起外面貴，她還是把單位租下來，幸好成績還算可以，「年紀太大的話我就勸你唔好搬入嚟，因為呢邊啲女成日轉，雖然唔係全部係青春少艾，但如果收開三兩百嗰啲就唔好搬入嚟啦，啲客行多兩層一比較就死晒o架啦！」搬回港島，A說最主要是貪人客質素比較高。