世界波：另類野戰半裸索女陪打獵

曾幾何時，香港嘅郊外未被過度開發，曾經有唔少野獸出沒，偶爾會有野豬、黃麖、穿山甲等野生動物誤闖民居的新聞出現。然而，狩獵在香港是違法的，要感受打獵嘅樂趣，只可出外參加打獵團，不過喺參加前一定要睇清楚，事關美國有部分打獵團，只係以打獵為名，獵艷為實，價錢當然貴好多啦！

古時男人為咗令家中老幼得以溫飽，惟有冒住生命危險外出打獵，同班兇惡嘅獅子老虎搏鬥。時至今日，我哋雖然唔使再靠打獵維生，但偶爾都想嘗試一下嗰種捕獵嘅快感。不過依家呢樣又話受保護，嗰樣又話受管制，想捕獵野生動物都唔係話咁易，咁就惟有獵女頂住檔先。

做足準備

美國係現時仍然可以進行捕獵活動嘅其中一個地方，而色情業界眼見好多男士鍾意打獵之餘又鍾意獵艷，於是就提供索女陪打獵服務，借打獵之名提供色情服務。雖然同一般嘅伴遊服務冇乜分別，但呢啲索女除咗具有一般嘅打獵同野外求生知識外，仲會半裸上陣。而且佢哋真係識得用槍，就算遇上野獸襲擊都唔使坐以待斃，所以佢哋會帶埋槍枝、彈藥等打獵裝備出動，保障客人安全之餘，亦可以打吓野味。

紮營休息

雖然打獵嘅時候可以憑經驗，睇吓附近有冇動物經過而遺留嘅痕迹，從而判斷距離有幾遠，去咗邊一個方向，但要成功追蹤獵物都唔係咁容易。每次打獵，至少要花上整日時間，所以陪獵索女都會準備定營帳畀客人紮營休息。若然客人獵咗成日都係得個「吉」，索女就會主動獻身氹番客人，務求令客人獵唔到野味都可以獵番個索女補數。

突襲驚喜

經歷完尋晚嘅歡樂之後，大家想必感情更進一大步，搵獵物期間更加會又攬又錫。呢個時候，索女突然大叫：「有人襲擊我哋呀！」大家唔使驚，其實呢個只係伴遊公司安排嘅Surprise！

一眾假扮嘅獵人，會舉槍相迎，威逼你同索女剝衫交歡，但當你哋搞到一半嘅時候又會發現佢哋已經消失得無影無蹤！原來伴遊公司為怕客人因為空手而回以致未能盡興，先特意安排呢個環節，真係用心良苦呀！