世界波：36吋胸 魔鬼身材最幸福

唔少女士對胸部「晒士」都相當介懷，皆因太多膚淺男人以身材作為審美標準，認為胸大就叫索，就連揀女友時都寧願要個上圍激凸嘅庸姿俗粉，而捨棄平胸氣質美人。究竟對女性嚟講，上圍豐滿度，同幸福又有冇密切關係呢？喺最近嘅一個英國報章調查就發現，原來擁有36吋上圍嘅女士，幸福感係最強烈o架！

呢個調查主要涵蓋生活同愛情兩方面，綜合受訪女性對呢兩方面嘅滿足感嚟進行分析，睇吓胸圍尺寸同幸福感有冇重要關係。結果喺一眾受訪女性中，擁有36吋上圍嘅女士中，有25%嘅女士感到自己比其他女人幸福，而另有30%嘅女士相當滿意自己嘅愛情生活，更有超過40%表示對工作相當滿意。聽起嚟佢哋真係好似好幸福喎，一於就問吓班激凸脫星，睇吓佢哋有乜見解先。

深感滿足

既然要問擁有魔鬼身材嘅女士係咪堅幸福，梗係要問擁有天然巨乳嘅人氣脫星Marry Queen啦！事關佢唔單止對車頭燈夠勁，工作亦忙到甩轆，未計拍攝四仔，單係簽名會、握手會同首映會等宣傳活動，仲有去跳艷舞同成人展等出騷工作，已經夠佢忙。不過Marry一啲都唔覺得辛苦，反而覺得好幸福，皆因佢家陣份工，相對以前做餐廳侍應，不但舒服好多，而且仲搵到錢，行出街又有唔少人識得佢，不知幾滿足。

關係密切

雖然Marry話佢對份工同生活覺得相當滿意，但會唔會係同佢性格有關，而非關心口大細事呢？Marry認為兩者有密不可分嘅關係，佢胸部發育得比較慢，要到15、16歲至有家陣嘅「晒士」。嗰時嘅佢最唔鍾意夏天，因為呢個時候眼見其他人可以着性感小背心，而心口好似飛機場嘅佢，往往成為身邊同伴嘲笑嘅對象，直到佢上圍升Cup後，至慢慢變得開朗同外向，幸福感亦由此產生。睇Marry嘅例子，女士心口嘅大細又確係同幸福感有啲關係喎！

Marry Queen Profile　

出生日期：1991年10月20日　

三圍：36D-26-37　

身高：5呎8吋

Tara Babcock 性福無邊

有人覺得做脫星好幸福，而另一位巨乳脫星Tara Babcock亦相當滿意呢種生活，仲話就算冇拖拍都得。皆因Tara認為成日可以同唔同嘅壯男曳曳，對方又對佢副偈好滿意，不知幾咁Happy，又唔使成日花心機同時間湊男友，不知幾爽！

Tara Babcock Profile

出生日期：1989年11月10日

三圍：36D-23-36

身高：5呎4吋

Taylor Vixen 食得是福

食得是福呢句話好多人都聽過，但究竟同魔鬼奶樽有乜嘢關係呢？好吃之人Taylor Vixen就話兩者確有關係！事關佢憑住一對迷人巨乳，深得四仔迷歡心，片約多到接唔晒。錢搵多咗食得自然又多又好，對Taylor呢個為食妹嚟講，又點會唔幸福呢？

Taylor Vixen Profile

出生日期：1983年10月25日

三圍：36DD-25-36

身高：5呎2吋

Nicole Graves 愛情運佳

感情生活對女士嚟講，係最大嘅煩惱根源之一，但對Nicole Graves而言，卻完全冇呢個問題。事關佢擁有一對激凸上圍，而誘人嘅身材往往吸引唔同嘅男士埋身，搵男友絕對冇難度。Nicole笑稱，反正佢未想搵個關係穩定嘅男友，食散餐對佢嚟講夠有突。

Nicole Graves Profile

出生日期：1982年8月24日

三圍：36C-24-34

身高：5呎3吋