世界波：出租嬌妻唔使怕要做人世

最近有報道指有好多外國人專程到泰國尋找黑珍珠女郎做短期老婆，而呢種「租妻」活動喺泰國更係普通現象。雖然唔少人心裏有數，呢啲所謂嘅出租老婆，咪即係妓女，不過喺外國人眼中，卻認為出租老婆比妓女可愛得多。不過佢哋揀出租老婆，唔一定以靚行先，好多時都會着重佢哋嘅內在美同埋對待男人嘅相處之道，因為一租就最少3個月，唔夾咪好難頂！

美國有間伴遊公司，眼見呢種「租妻」服務有市場，冇理由肥水流晒去別人田，於是立即搞咗個「出租老婆」服務，歡迎客人提供自己嘅老婆出租畀他人，又或上門搵短期老婆，結果好多人竟然為咗錢，甘願出租老婆；又有好多人因為想試吓夫妻生活，上門搵合約老婆，貪佢合約期滿後就各不相干，乾手淨腳。

未必要靚

據伴遊公司負責人透露，好多上門搵老婆嘅客人，首要條件唔係要靚，而係要性格溫馴，識得服侍老公。而且平時清潔家居、洗衫煮飯都要一腳踢，當老公返到屋企後，仲要識得噓寒問暖，關懷備至，甚至主動為老公按摩，令佢有呵護備至嘅感覺，咁樣就算工作幾忙，都會好想快啲返屋企搵老婆溫存！

用心做愛

當然，要做個好老婆真係唔容易，除咗要入得廚房，出得廳堂之外，最重要梗係上得大床，所以呢啲「出租老婆」一定要當正客人係老公一樣，做愛時投入之餘，仲要表現出愛慕之情，先可以令客人感覺到自己唔係畀錢買服務。有啲古怪客人，仲願意額外加錢，要求出租老婆嘅真老公一齊參與性事，大玩三人行，認真淫樂無窮！

擦出愛火

呢啲出租老婆，最短嘅合約都有3個月，兩個人對得多，如果又真係好夾的話，好容易會產生真感情，結果有啲本來打算搵快錢嘅人妻，最終拋夫棄子，同客人私奔。當中亦試過有啲人妻因為做得太投入，做愛時忘記做安全措施，結果合約期滿之後，先發覺自己有咗，結果得不償失，分分鐘連老公都冇埋！