世界波:爸打必讀 囡囡AV式性幻想

今期全球最暢銷嘅書,係一本名叫《格雷的50道陰影》(Fifty Shades of Grey)嘅情色小說,此書由英國女作家詹姆斯所寫,據聞內容將男女性愛情節描述得繪影繪聲,有浪漫、性虐仲有同性戀情節,非常重口味,更掀起性虐熱潮,搞到連男人都好有興趣想知道女人嘅性幻想係乜。若然你冇耐性睇小說,咁不如等小弟將幾個重點話畀你知!

呢本《格雷的50道陰影》,內含大量色慾情節,聽聞仲搞到有人淪為「性奴」,甚至有夫婦因為小說搞到離婚。其中一單報道就話當年英國一名人妻同有錢男簽下「奴隸合約」,自願當性奴,每晚大玩變態性行為,結果最後搞到報警先可以結束關係,情節同小說勁似,更有女網友話類似情節同佢嘅性幻想好相近添!

咁啱早前性學家Kaylen Jackson就發表咗一篇女人最想嘗試性幻想事件《8 Sex Fantasies That She's Absolutely Dying To Try》,剖析囡囡最想實踐嘅性幻想,其中某啲同AV情節相差無幾,其實一試無妨!

性愛導師

根據Kaylen表示,男人喺床上扮傻原來好有着數,有唔少女人都希望自己嘅對手係一個聽教聽話嘅乖學生,可以任佢擺布、調教。事關技巧太高嘅對手好多時會只顧自己爽,反而新手願意跟從女伴指令,慢慢挑起女伴性慾。過程中,若然男伴做得唔好,女伴仲可以懲罰佢,將平時壓抑嘅怒火同慾火盡情發洩。而女伴為着做好性愛導師嘅角色,亦會加倍落力回饋對手,簡直係一家便宜兩家着。

變裝誘惑

男人終日幻想同不同對手親熱,相反女人就專一好多,但日日對住同一個對手,遲早都會悶親,所以有好多女士都希望男伴可以間中搞啲花樣,變換吓形象嚟為自己帶來新鮮感。最簡單做法係玩Cosplay,例如男伴穿上特別服飾扮警察,又或扮突然闖入嘅匪徒,以強勢嘅手段征服女伴。若然唔想花錢買衫,亦可嘗試在態度上作出改變,例如男伴平時屬於斯文溫柔類型,就於親熱時以狂野粗暴嘅方式去進行,一樣可以帶畀伴侶新鮮嘅感覺。

扯髮蹂躪

女人把長頭髮除咗可以用嚟欣賞同撫摸之外,原來用力扯亦可以令女人好High!性學家解釋,女人渴望高潮,同時鍾意男人做主導,假如過程中男人輕輕拉扯佢哋嘅秀髮,再加兩句「粗口」,會令女人有種被虐待嘅刺激感覺。呢個時候,男伴更可一邊扯住女伴頭髮,一邊「強迫」佢提供口舌服務,呢種被蹂躪、糟質嘅感覺,亦會令女伴覺得好過癮。

公開交歡

你以為淨係男人先鍾意車震、鍾意打野戰?其實女人都一樣好想試吓喺公眾地方偷偷交歡,貪佢夠晒刺激。專家話正常人自知好少有機會喺公眾地方搞嘢,愈得唔到就愈想挑戰,同時又享受被旁邊人偷窺嘅「虛榮感」。但要搞清楚,係虛榮感而唔係肉體快感,因為有人(目及)嘅話,女人會覺得自己好有魅力,於是會做得更好嚟證明自己寶刀未老。有人就提議喺公廁搞,一來方便,二來有起事上嚟仲可以匿埋避一避,三來要清潔都就手好多!