世界波：賽前先熱身更容易撻着

任何運動都要做足賽前熱身，先可以防止中途脫腳或者抽筋，做愛亦唔例外，有四仔女星更話，佢哋拍床戲時，往往比真正做愛更加激烈，所以事前一定要做足熱身，而且每位女星都有自己嘅獨門熱身招數添！

今日同大家分享嘅4位脫星，全部都係好性之人，所以佢哋對於賽前熱身嘅心得，一定比別人強，而且各有古靈精怪嘅獨門招數，應付不同類型嘅男人，足以令姊妹們大開眼界，仲可以順便偷吓師，學番幾招傍身。

Liz Ashley 倒立谷血

唔好睇Liz已經將近30歲，佢話自己仲好砌得，每次拍片都搞到對手筋疲力盡，大叫投降先肯收手！Liz自問喺四仔界立足多年，全靠有幾道絕招先可以搵到食。其中一招就係喺賽前做幾分鐘「倒豎葱」，等啲血液谷晒上腦，成塊面好似關公一樣，就可以正式開波。佢話咁樣做會令佢嘅性慾好容易撻着，上鏡仲面色紅潤，靚過化妝！不過佢話呢招最多做幾分鐘，萬一做多咗就會有反效果，頭暈兼作嘔喎！

Profile

三圍：33C-23-33　

身高：5呎2吋　

年齡：29歲

Laetitia 風車旋轉

Laetitia胸前唔算偉大，但床技一流，令男優讚不絕口，所以喺四仔界絕對撈得掂！佢話女人想床技好，除咗要多練習不同招式外，仲要練耐力同練氣，而賽前熱身就更加重要。所以佢每次埋牙之前，都會做一輪風車旋轉運動，提升個人體力及耐力，佢話風車旋轉可以強化佢嘅肌肉，令佢埋牙時候渾身是勁，男優想砌低佢都好難，咁有耐力，難怪令人讚不絕口啦！

Profile

三圍：34B-25-37　

身高：5呎4吋　

年齡：24歲

Jenna Presley 金雞獨立

估唔到美國妹都識得呢招「金雞獨立」，Jenna話呢招唔係中國功夫先有，瑜伽中亦有類似動作，佢練瑜伽練咗十幾年，呢個動作簡直輕而易舉！佢仲話，賽前如果做10分鐘金雞獨立，就可以令全身筋骨放鬆，呼吸暢順，尤其是大腿筋更會變得特別柔軟，同男優砌起上嚟，擘到幾大都得！更加唔會中途抽筋或者腳軟，只會愈砌愈起勁。

Profile

三圍：32DD-22-33　

身高：5呎2吋　

年齡：25歲

Dani Daniels 自摸奶奶

未入行之前Dani話佢對奶只有C Cup，但入行後學識咗每次埋牙之前自摸10分鐘，結果對奶就畀佢愈揸愈大。佢仲話賽前自摸當熱身，唔止可以谷大對奶，仲可以令對奶更加敏感，男優只要略施甜頭，就可以令佢全身酥軟，所以每次賽前，佢都會自摸等自己進入最佳狀態，高潮都會更加易達到！

Profile

三圍：34D-24-36　

身高：5呎7吋　

年齡：22歲