出租貴婦全天候服侍

大部分麻甩佬都鍾情美少女，不過涉谷有間《熟女會所》就反其道而行推出「出租貴婦」服務，會所內嘅囡囡全部都係年過30歲，氣質雍容華貴，而且溫柔細心，難怪吸引咁多客人爭住租用啦！

所有「出租貴婦」嘅熟女，都係經過會所精挑細選，質素上乘，絕對係揀手貨，唔係賣淨蔗，客人要排隊輪候，先可以租到心頭好。其實會所推出呢個服務，只係噱頭性質，希望客人喺會所以外，都一樣可以享受到熟女嘅溫柔。

感覺溫馨

呢個出租計劃分三種，第一種係出租談心，日本有好多男人都對熟女情有獨鍾，貪其知情識趣、善解人意，有時候屈埋喺心入面嘅冤屈，冇人可以傾訴，租個貴婦就可以盡吐心中情。第二種係出租女友，客人挑選心水貴婦做短暫情人，甚至做同居密友亦得，客人可以帶囡囡返屋企，一切家務同性事，囡囡都會替客人搞掂，直頭係24孝女友，全天候服侍，令人大感溫馨。

唔使上身

至於第三種計劃就係出租情婦，專門提供畀有家室嘅男人，會所安排一間臨時屋畀客人同囡囡偷情，所以收取嘅出租費亦係最貴，客人喺租用囡囡期間，可以無限次上臨時屋開餐，仲可以帶情婦去旅行，當然只限於國內，總之喺租用期內，客人可以同囡囡任食任玩唔嬲。好多男人都想一嘗包二奶嘅滋味，但又怕上身，呢個出租服務就啱晒佢哋喇！