世界波：立食性愛3式爽爆

歐債危機影響經濟，原來仲會令人變蠢！好似位處歐洲嘅瑞典中部，有左派政黨就要求議會中嘅男職員坐低小便，據聞一來可保持洗手間清潔，亦有利排泄機能，仲話咁做可減少前列腺問題出現，達致更長久嘅健康性生活。細佬懷疑有此古怪建議嘅仁兄個腦異於常人，反而美國性學家Gabrielle Moore提倡男女應減少床上性行為，改行立食性愛，呢個令女士更易得到高潮、玩得更爽嘅建議有建設性得多！

企喺度曳曳直到完場，問心你試過未？我諗港女肯試男人都唔識搞啦！鬼叫港男做愛習慣瞓低或趴低咩！叫佢哋企定定玩，男人只會諗起女前男後一種姿勢！查實性學家Gabrielle Moore自言從多年臨床性技巧研究中，拆解出3式直立式性愛，證明能令囡囡更易達到高潮，因為過程中付出嘅體力及受到嘅刺激同瞓喺度相比以倍數上升。而專家推薦嘅直立式性愛，一啲都唔難學，仲經常出現喺以下3位脫星嘅四仔內，你同我都做得到o架！

Julia Crown：龍舟掛鼓

「Kneeling Face To Face」係當中最難嘅一式。開始時，男方面對女方屈膝跪低，之後女方將雙腳曲起夾在男方大腿上，直至雙方嘅私處接觸就可以開波。由於男方發力受到局限，需要女方配合移動，掌握節奏後，男方雙手可抱住囡囡臀部，接住慢慢抱起對方同時慢慢企起身，繼續交歡，即於四仔中常見嘅龍舟掛鼓是也！Julia Crown話呢招着重雙方交流，皆因男女全程都有眼神接觸，進入程度亦由淺入深，比起一般由其中一方主導嘅體位，高潮可以更持久喎！

Profile

出生日期：1988年3月4日

三圍：32B-22-34　身高：5呎3吋

Cara Brett：彎弓射箭

因為動作酷似，所以中國人稱呢一式「The Door is Ajar」為「彎弓射箭」，不過試玩前最好上sexpositions.com了解清楚，以免錯誤領會。Cara話初學者玩呢招需要倚靠重心輔助平衡，大床邊或梳化都係不錯選擇，囡囡喺前面單腳企，另一隻腳就呈90○曲膝擱於床邊或梳化邊，跟住男方從後進攻，掌握咗節奏後，男方就可向後提起囡囡站立嗰隻腳，令囡囡向後挨近你，甚至伸手向後箍住你後頸，等你進入得更深，感覺特別High！

Profile

出生日期：1989年3月9日

三圍：32DD-24-32

身高：5呎4吋

Tiffany Thompson：一字張腿

呢招「Get a Leg Up」單腳企係3招中最簡單嘅一招，比較考女方體力。先以自己嘅重心腳站立，變成單腳企，而男方就企喺囡囡面前輔助平衡及幫手抬起囡囡另一隻腳，若然平日欠缺運動就唔好抬起高過腰部。Tiffany分享話：「由於囡囡得一隻腳做重心，上身嘅壓力會不斷向下壓，令下體特別敏感，如果對手功夫到家，唔使3分鐘就可以令女方得到G點高潮！」

Profile

出生日期：1992年7月25日

三圍：32C-25-34

身高：5呎8吋