窩心男友Feel
做演員就有「假戲真做」，做援交呢行，又會唔會遇到真係有Boy Friend Feel嘅客人，令人意亂情迷？老老實實，可遇不可求囉，我做咗呢行都一段日子，大部分客都猴擒得緊要，幾乎一見面就想「開戰」，記憶中只有「細心宅男」，先至令我有番拍拖嘅感覺。話說佢約我上咗佢間公屋，雖然冇行街、冇睇戲，但係原來佢早就準備咗點心、薄餅、乾炒牛河，雖然全部係「即叮」，不過比起以往啲客，已經體貼得多；仲以為食完飯就要開工，點知仲有下文，宅男竟然捧住碟心太軟喺我面前，話係專誠整畀我食喎，真男友都冇咁細心啦！結果，我嗰晚真係100%交足戲，當正佢係男友嚟溫馨纏綿，唔知佢幾時會「翻啅」我呢？