食腦新人王 安瑞甜

在內地新一代靚女模特兒中，胸大嘅囡囡真係多到數唔晒，但胸大又有腦嘅，就真係唔太多。今日要介紹嘅靚女安瑞甜，佢絕對係其中之一，嚟自古城西安嘅瑞甜，樣子有啲似歌手李玟，所以出道時就被人冠以「小李玟」嘅稱號。

於2008年出道嘅瑞甜，轉眼已經喺呢行打滾咗4年，經驗豐富，接拍嘅雜誌同廣告，可以話不計其數。佢喺2010年，參加咗第15屆新秀模特兒大獎賽，憑精湛嘅演出同埋完美身段，勇奪最佳魅力及最佳表現獎。

多才多藝

自參選後，瑞甜喺模特兒界可以話平步青雲，工作接踵而來，但佢冇因此自滿，反而嘗試不同界別嘅發展，好似佢從小就喜歡跳舞，於是不時練舞，有時仲做埋排舞老師，帶隊出席不同活動，所以論舞台經驗，瑞甜真係好豐富。此外，瑞甜近年更向影視圈發展，口才了得嘅瑞甜，上節目時表現出色，因此深受製作單位歡迎，不時搵佢做嘉賓主持。下一步，瑞甜話希望可以接拍電視劇或電影，試吓當演員嘅滋味。我就話以瑞甜嘅潛質同外形，絕對冇問題。

殺傷力強

至於瑞甜嘅身材，真係冇得彈，上圍達35吋，又圓又挺，配埋長腿翹臀，真係露少少出嚟，已經殺死人。而瑞甜由出道以來，都以唔錫身見稱，攝影師叫佢性感少少，佢就豁晒出去，經常以真空示人，東西南北半球盡現，相片嘅噴血度極高，令網友爭相轉貼，點擊率過百萬計，令佢人氣高企。瑞甜嘅種種拚搏表現，證明佢明白要喺娛樂圈發展，單靠好身材係冇用嘅，仲需要將長處充分發揮，先至會成功。

安瑞甜Profile　　

出生地：陝西西安　　

三圍：35-26-35　　

身高：168cm　　

興趣：跳舞、跑步