芭蕾舞男
仲記得80年代嘅香港，都興過一陣子芭蕾舞熱，好多父母都鍾意畀囡囡學芭蕾舞培養氣質，而依家啲小朋友則為咗考學校，學芭蕾舞嚟加才藝分。不過喺美國費城有間專門招待成年人嘅芭蕾舞學校，就絕對兒童不宜，因為入去學芭蕾舞嘅女人，全部都另有所圖，唔止跳舞咁簡單！
任客抽水
跳芭蕾舞其實只係一個幌子，呢間芭蕾舞教室嘅老闆，係俄羅斯裔嘅舞蹈家，不過人離鄉賤，移民去咗美國之後，所開嘅舞室生意冷清，於是佢靈機一觸，將舞室混入舞男服務，請咗幾位靚仔同鄉一齊教舞，同時又陪啲學員打情罵俏。跳到性起，仲任由學員抽水，甚至只要出得起錢，就可以有進一步發展，難怪依家舞室愈來愈多人報名學跳舞，生意旺咗咁多啦！