人類正在倒退中

我波士Richard真係一個好人,每次遇上辦公室鬥爭,就會露出好煩惱嘅樣,其實世界有邊個辦公室冇鬥爭,只要有人嘅地方就有鬥爭,更何況關乎自己嘅事業、金錢、地位等等,呢啲咁俗世嘅嘢,梗係要用俗世嘅方法去處理,而其中一個方法就係鬥!鬥輸咗就隨時要執包伏走,但鬥贏咗就有機會更上一層樓,仲順便可以清除眼中釘,既然有回報,就一定有人願意做。

就好似Richard畀人篤背脊、挑剔佢嘅失誤,再利用第三者告御狀等,呢啲屎橋係辦公室鬥爭裏面最低下嘅手段,估唔到仲有人用,唔怪得有人話世界末日好快出現,我都開始相信,因為人類已經正在倒退中,連鬥爭都冇晒新意。

我同波士評估過現時嘅形勢,雖然依家係暫時輸一仗,不過呢一仗損失唔大,反而可以從今次事件中,認清邊個係敵人。原本隱藏得好好嘅佢,竟然自己蒲上水面,即係話由今日開始,敵人在明波士在暗,呢場仗比之前好打得多。波士聽完之後,若有所悟,似明非明就行返入房。唉!一個好人就係咁,明明已經佔咗上風,仍然唔識得有風駛盡(巾里),或者我就係欣賞佢呢一份罕有嘅純真,亦慶幸自己唔係身居要職,政治鬥爭可以避得就避。

不過性愛鬥爭就避無可避,因為眨吓眼又到周末,我又身痕,想搵隻鴨補吓身!今次唔使Judy帶路,我自己識得摸上門,一入去靚仔爸爸生就認得我,好醒目咁話「朝偉」等咗我成個禮拜,直頭掛死佢咁話!我心入面好想叫佢慳啲!因為我唔係嗰啲想搵仔冧嘅師奶,而係一個好實際、想搵嘢食嘅女人,不過我費事解釋太多,浪費口水。

我入房坐低冇耐,朝偉就施施然入房,從佢嘅眼神,我睇得出佢同爸爸生嘅諗法一樣,以為我又係一個中咗佢毒嘅水魚。不過我唔理佢點諗,最緊要係佢喺床上交足功課,所以佢未坐低,我已經伸手拉住佢嘅子孫根,大肆抽水一番。以我Barbara多年嘅食男經驗,一摸上手,就知道佢今晚狀態如何,值唔值得我嘥時間!(待續)

Lady Barbara

某大公司高級行政秘書,年齡係秘密,蒲齡更加無謂講,向以獵男為己任,志願係嫁個有錢人,日日行街Shopping、High Tea做Facial,早日脫離打工行列。