o趙完鬆
講到客人嘅無恥行為，我自己遇過，亦聽過唔少，好似最近有個姊妹約咗個客去酒店，入到房後佢見對方只掛住除衫，冇意思先畀錢，於是就開口問佢攞家用，點知對方好惡死咁話：「等陣畀你咪得囉！等唔切呀？」姊妹即時反駁話如果唔科水就走人，對方就死死氣地拎銀包出嚟，然後就話：「我帶唔夠錢，做完至撳錢畀你啦！」姊妹心諗呢條友冇錢畀仲聲大夾惡，慌唔係想事後博大霧o趙完鬆咩，於是佢即刻轉身開門走人，等個賤男食自己！
而我就曾經試過完事後着衫走人時，發現個客人鬼鬼祟祟咁拎咗我部手機，我即刻大喝：「你個賊仔偷嘢！」佢扮晒嘢笑騎騎咁話：「冇，想同你玩吓啫！唔係咁小氣吖嘛？」畀我人贓並獲仲話玩，當我本小姐流o架！不過我唔同佢嘈，臨走之前大力踩咗佢一腳咪算數囉！