企硬唔減價
「援交惡化！13歲孖女一齊上。」報紙大字標題全版深入報道本地援交妹問題，連我CiCi亦發現近年不止援交妹以倍數上升，更有姊妹以組合形式拍檔搵食。本來大家都係拋個身出嚟撈，各不相干，但係若然有人為咗爭食而做爛市，我就要出聲。以往一對一嘅援交服務，行街食飯上床玩4小時，公價收費三至四千元，但家陣有唔少同行姊妹劈價搶客，只收千八蚊，甚至千五元都有，起初我好睇唔起佢哋，但其中一個姊妹解釋話：「啲客好賤，出到嚟當面彈三彈四，踩完你身材又踩你衣着，但係我又唔可以發難，事關佢隨時彈鐘，上網搵另一個援交妹，結果惟有主動減價嚟留住客人。」雖然我都遇過唔少奄尖嘅客人，但係我好寸，一定企硬唔會減價囉！