扭曲的情慾

朝偉跑慣江湖，自然好明白每個女人嘅心事，佢為咗令我呢個客人開心，當然會不辭勞苦，砌得有咁耐得咁耐，而且仲要沿途換上不同花式，將我帶上極樂嘅頂峰，高潮一浪接一浪。我快活不知時日過，原來已經砌咗成粒鐘，難怪我都有啲腳仔軟，喉嚨又沙沙哋，因為嗌得太興奮，好似去咗遊行示威一樣，嗌到聲嘶力竭。就喺呢個時候，佢作出最後衝刺，為今晚嘅性戰畫上完美嘅句號。真不愧為名鴨，有樣有身材，仲周身都係寶，耐力驚人之餘，時間仲校得啱啱好，呢啲錢真係抵佢賺！

經過一場咁激烈嘅性戰，我真係要好好休息吓，於是我破例決定喺酒店過夜，朝偉抱我入浴室洗白白之後，就攬住我一覺瞓到天光，好耐都未試過有如此溫馨嘅感覺，但最諷刺嘅係，我眼前嘅男人，係一隻鴨，佢每一下衝刺、每一下擁抱、每一下親吻都計緊錢，我竟然喺一隻鴨身上，搵到呢種溫馨感覺，睇嚟我真係開始有啲變態。正常嘅關係，已經唔能夠滿足我，或者呢種扭曲嘅關係，先至係我一直想要，甚至只有喺扭曲嘅情慾當中，我先至可以享受更極樂嘅高潮。呢種不尋常嘅感覺，連我自己都好難明白，更何況其他人！

朝偉慢慢醒過來，起身見我已經醒咗，佢面帶不好意思咁Say Sorry，因為鴨仔點可以遲過客人起身，隨時衰收尾，影響咗貼士就唔抵！於是佢立即補獲，喺我額上、面上留下情深一吻！我冇畀呢啲親吻打動，因為我好清楚自己需要嘅唔係深情，亦唔需要男人嘅承諾同照顧，我只想喺扭曲嘅情慾中，找尋屬於自己嘅快樂。呢種深層次嘅矛盾，朝偉唔會明白，我亦唔使佢明，我只係想佢知道，我以後仲會搵佢。所以我輕輕推開佢，從手袋拎出一疊千元鈔票，放入佢衫袋……（待續）

Lady Barbara

某大公司高級行政秘書，年齡係秘密，蒲齡更加無謂講，向以獵男為己任，志願係嫁個有錢人，日日行街Shopping、High Tea做Facial，早日脫離打工行列。