北夜天：色慾診所囡囡瞓身檢查

近年內地嘅賣淫手法可謂明目張膽到無王管！繼早前河南出現學院KTV，提供學生妹陪唱服務後，最近成都出現唔少性保健診所，表面上為男士做身體檢查，實情係囡囡替男人出火至真！

據知喺成都有唔少打正旗號以男士性保健嘅診所，莫非當地有好多男人有性功能障礙？當然唔係啦！呢啲所謂性保健診所只不過係掛羊頭賣狗肉，事實上係提供賣淫服務。

一位曾經幫襯過嘅爸打表示：「呢啲診所真係有得做身體檢查，表面上同一般診所差不多，就算你向職員試探有冇另類服務，佢哋都唔會答，要做完晒一般檢查後，職員至會問客人有冇興趣留夜作進一步身體檢查，並暗示有囡囡陪過夜。」爸打認為有老屈成分，皆因要先做身體檢查至有得爽，而基本檢查費為¥1,000，加埋留夜費¥500，未計囡囡嘅肉金，先要付千五銀，所以寧願落夜總會攬女Happy好過喎！

制服誘惑

雖然呢位爸打怨聲載道，但仍然吸引唔少男士排隊幫襯，事關提供陪瞓服務嘅囡囡青春嫩口又好身材，而最引人入「性」係玩制服誘惑，囡囡穿着護士服招呼客人，自然令人玩得零舍興奮。至於肉金方面，客人可以同囡囡商議，有玩家試過¥1,000搞一鑊，亦有爸打試過¥2,000過夜玩放題，所以大家一定要同囡囡講價，咪畀機會對方劏到一頸血呀！