碌卡有着數
我CiCi以後要碌卡開工，因為咁至可以算到盡，隨時一年簽帳額夠我換張法國來回機票，遊埠同時兼掃名牌，返嚟轉售畀姊妹再賺多筆添！我已定好每日簽帳額八千蚊，為咗達到Target，梗係要搵客人幫手啦！要知道，一個醒目嘅玩家出嚟玩絕對唔會碌卡，免留證據畀老婆或女朋友捉到痛腳，所以佢哋唔能夠碌卡，順理成章成為我代勞嘅機會，當然我會即時問對方攞番Cash啦！
經過一個星期嘅測試，我接咗五個客，期間食飯、睇戲、買禮物，我代佢哋碌卡，結果簽帳額合共一萬七千五百元，若然計劃順利，推算一個月就簽到七萬元，一年可達八十四萬元簽帳額，你話假如肉金都有得碌卡，真係好快達標喇！