世界波：3式體位細槍變大炮

早前有女學護於社交網站爆病人私隱，好一句「陽具何太短」，質疑年老病人後生時點性交！雖然網民插爆阿妹冇品，但平心而論，唔少港男真係先天不足，後天教育又唔爭氣，究竟點樣可以令自己變得威猛啲，滿足囡囡呢？美國性愛博士Isabella Stone就教大家喺體位上變招，據講會畀到囡囡雄赳赳嘅錯覺，想變猛男就要學嘢喇！

第1招：Straddle Missonary男上女下雙腿張開

教授話男人以為天生精通正常位，習慣一埋位就砌，事實正常位有萬千種變化，但要令女方感覺你「晒士」宏偉，男人必須將雙腿張開！

玩法非常簡單，女方平躺於床上，雙膝提起屈曲，腳板向天，然後男方盡量靠近直至女方腳板頂住男方胃部，跟住就可以慢慢進入。正常情況下，女方自然反應會慢慢張開腿，呢個時候男人就要用雙手保持女方雙腿緊貼，當熱身夠你就可以開始加速及發力，女方必定會感覺你好威猛。

但教授提醒，千祈咪一次就去到盡，因為容易令對方受傷，而且若然對方分泌不足，開波前亦應準備定潤滑劑，否則你都唔會好受！

第2招：Fork & Spoon側身抽擊控制大局

叉匙體位，即係側身性交，呢個絕對係男士控制一切節奏嘅最佳體位，好可惜男方往往只顧自己爽，忽略咗表現雄風嘅機會！由於體位關係，男女會勁親密，加上無需兼顧重心問題，男方多出雙手同嘴可以刺激女伴，由上至下，咀女伴耳仔及頸、雙手就搓弄佢對咪咪，感覺佢全程投入之後，手部可配合震蛋刺激女方下體，同時不斷加大力度進攻，必定會令佢感到前所未有咁強勁！中途仲可以試吓同女伴雙腿上下交纏，令彼此更貼近。

熟習咗側身位後，進階版係男方可一手托起女方腿部，同時你嘅下體向後移，藉此增加發力空間及角度，嘗試向對方展開抽離式重擊，囡囡唔High爆至奇！

第3招：Froggie Style蛙式騎乘發力更勁

令女人最敏感嘅體位可算係騎乘位，因為會進入得更深，假如想更深入體會騎乘位嘅快感，最有效係改用踎式騎乘，形態好似青蛙跳咁，因此又叫蛙式騎乘。即腳掌貼地，令敏感部位肌肉變得緊縮，但由於此姿勢易失去平衡點，囡囡雙手可放喺男方肚腩或心口保持重心，若然女方想達到高潮，甚至可以扶住床頭板借力騎乘。

玩呢個體位時，男方可以用雙手輕托女方腰部或臀部，幫佢平衡同時加強刺激，又可以放個震蛋喺下面，令每一下衝擊都獲得更大滿足感！