貼錢養場

最近香港夜場風聲鶴唳，尤其是那些中小型的按摩中心、上樓足浴店，原本已經生意不濟了，更加是雪上加霜。

「以前撈我哋呢行，邊有人蝕錢o架！依家？十個開檔搞場，起碼有一半蝕住咁走！」說話的是一個指壓搞手，他早就做到意興闌珊了，仍然維持，只因一班他眼中沒有其他謀生本事的老伙記，其實他所說的老伙記，也不過是四十開來，五十上下那一類吧！「有個以前好風光嘅行家，老闆仔嚟o架，咪就係唔捨得斬纜，結果蝕到入晒肉，最後咪出去做裝修返嚟貼錢養間場囉！」

你覺得不可思議嗎？這個故事的當事人，我也有過一兩面之緣，仗義每多屠狗輩，是真有這回事的。

「旺角、太子、深水埗就最多呢啲場，新女就冇本事搵番嚟嘞，咪專做啲新移民呀之類嘅中女囉，美其名係專攻服務環節，事實上，做新女又後生嗰啲，都上晒酒店做高鐘，再高質素啲，直情去晒私人會所做班熟客生意啦！」

當然，我們這種專做夜生活報道的，也同樣低迷，離當年高峰的日子，實在相差得太遠了。