長毛唔易食

我咁大個女都未試過長毛男，今晚的確有份新鮮感，難怪男人咁鍾意去滾，間唔中換吓對手，真係零舍好Feel，不過佢把頭髮真係好鬼長，一邊衝刺、一邊揈把頭髮，搞到我塊面畀佢揈到好痕，終於忍唔住執住佢把頭髮，一來唔畀佢亂揈，二來又可以順便借力迎上，一舉兩得。佢可能以為我好欣賞佢把頭髮，難得遇上知音，砌得更加落力，正當大家都差唔多到頂之際，我唔覺意鬆開咗隻手，佢把頭髮即刻撻晒落我塊面，差啲畀佢搞到抖唔到氣！

佢就好High咁作出最後衝刺，我就顧得撥頭髮又顧唔到享受，最終佢就喺我手忙腳亂之際連珠炮發，事後，佢成個人軟攤喺我身上，我終於忍受唔住，將佢推開，順便將佢把長髮撥走。我已經砌到成身汗，仲有把長髮黐實晒，真係好難受，再加上之前未能享受最後衝刺，真係有啲掃興。望一望佢已經瞓着咗，就更加掃興，估唔到齋期過後，竟然遇上呢位長毛，試過一次就夠晒皮，以後見到長毛，都係咪搞我喇！

雖然今晚食得唔係好滿足，但總算洗掉我一身齋味，於是快快沖涼換衫，打道回府！反正我冇興趣同呢位長毛過夜，容乜易夜晚又畀佢把頭髮纏住，隨時窒息都有之！離開酒店嘅時候，竟然喺附近撞到Macy，個衰婆春風滿面咁樣扭吓擰吓，一見到我就撲上前：「點呀！今晚正唔正啫？」我都唔知從何說起，惟有拖住佢一邊行、一邊講，兩個女人喺條夜深人靜嘅街道上，講男人講到眉飛色舞，其他人聽到都唔知會點樣諗我哋……（待續）

Lady Barbara

某大公司高級行政秘書，年齡係秘密，蒲齡更加無謂講，向以獵男為己任，志願係嫁個有錢人，日日行街Shopping、High Tea做Facial，早日脫離打工行列。