世界波:兩性21式床戰有得益

自稱兩性關係導師嘅Santino呢期爆紅,雖然節目完結但仍然成為城中熱門「討伐」對象,事關佢本人報稱性伴半百,又教人傾偈時要45度角望人,兼見面動作多多,結果被網友抽水寸爆!佢嗰啲兩性關係心理學,細佬就唔識嘞,但床上兩「性」關係都叫做略知一二,今日就醒你21式性愛貼士,唔使畀錢上堂學o架!

查實床上兩性21式(21 Short & Sweet Sex Tips)係由一位美國性學家Kaylen Jackson經過多年臨床研究及解答讀者性疑難所歸納出嚟嘅方法,佢認為坊間有好多性愛指南,但過於深奧,要喺性行為中兩人同時實踐會有一定困難,因此應該由最基本學起,假如男女雙方都想提升性趣,先開始鑽研性技都未遲!

Kaylen提出嘅兩性21式,基本上只要有過性經驗都可即時上手,而21式大致可分為生活習慣同性行為轉變兩類。不過要講晒21式實在太長,細佬惟有將兩者各綜合成4大要訣,同大家分享。

生活習慣

性愛遊戲

借助遊戲實現一啲難於啟齒嘅玩法,包括輕度愉虐或以性玩具作刺激,睡房內亦可準備情趣食物、例如朱古力漿、焦糖奶油等,用於前戲可有助提升性趣。

裸體挑逗

一般性學者提倡規律性愛,但Kaylen話咁做會變得枯燥乏味,反而建議男女平日多喺家中嘗試全裸,透過做家務或其他活動,激起伴侶性慾。若嫌太暴露,玩濕身白Tee透視誘惑都一樣有效。

結伴買內衣

Kaylen認為女士嘅性感內衣最能激發伴侶性趣,所以男女應經常一齊去選購內衣,咁男方就可因應個人喜好,提議顏色及款式,令女伴為你預備嘅內衣挑情更成功。

實踐幻想

專家建議男士平日多作性幻想,甚至將幻想付諸實行,皆因當你嘅創意滿足到伴侶後,對方漸漸會被感染,可能會將驚喜雙倍回贈番畀你。

性行為轉變

改變習慣

習慣會令性愛變成例行公事,想尋回樂趣,首要改變性習慣。例如改變做愛地點、招式、頻率,甚至呻吟聲量,都可為你帶來新鮮感。

自慰醫百病

男女遇到高潮點不同時,男士可嘗試在交歡前先行自慰,以減低敏感度,延至女伴同達頂峰至爆發。但如果女伴從未嘗過性高潮,懷疑自己有性冷感,不妨先試吓自慰,或可有助解決問題。

借助枕頭

枕頭可以創作更多體位變化,亦可助你更深入咁進入女伴體內,如果伴侶身形差別太大,亦可以枕頭輔助,令性事進行得更順暢。

鍛煉收陰肌

醫學界早已發現控制PC肌收放可有助性交時提升快感,而所謂嘅「PC肌肉」,由英文恥骨、尾骨第一個英文字母組成,係人體陰部一組肌肉,負責保持陰部軟組織張力,女士們排尿時可順便鍛煉吓。