北夜天：旅遊扑妹網上搵食

男女網友愛寫Blog，亦出現各式各樣嘅所謂專門Blog，例如教化妝、講潮流同投資等乜都有。近日內地更出現旅遊Blog妹，表面上分享去過邊食過乜，實際上係穿州過省招呼客人，提供另類服務。

呢啲旅遊Blog妹，自稱係八、九十後嘅東莞妹，遠至哈爾濱，近至澳門都話去過，更穿梭溫州、上海、北京及廈門等省市，驟眼睇令人懷疑佢哋又係富二代喺網上炫富。查實邊有咁多富人吖，有爸打爆料話呢類旅遊Blog妹九成係囡囡，純粹係「出差」期間喺當地留影，借寫Blog嚟吸客。而且並非囡囡親自撰寫，背後有集團寫手代筆，有男士睇完旅遊Blog後想結識囡囡就會留言，跟住寫手就代為回覆，要囡囡出Trip提供服務或客人過嚟開餐都冇問題。

嗒得杯落

一位曾經試玩過Blog妹嘅爸打表示：「起初喺網上見有個Blog妹人氣勁高，於是Click入去睇吓，見對方咁鍾意旅行，加上幾靚女，諗住同佢交個朋友，點知來回幾個電郵後就叫我過去搵佢，以為咁筍，就攞咗幾日假去東莞見面。」

當佢抵達東莞後，女方到火車站接佢，爸打話：「佢好似公關咁招呼我，帶我去食飯又搵埋酒店，當然係我自己畀錢啦，但上到房後佢就直接問我有冇性需要，我都未嚟得切反應，佢就開價一千銀過夜。」爸打始知道對方原來係賣淫搵食，欲打退堂鼓，但眼前囡囡的確嗒得杯落，忍得住口至出奇，奉上肉金後就開餐。

據知呢種係近期黃色集團嘅搵食手法，客人同囡囡未見面之前，隻字不提性交易，直至見面後囡囡就會主動報價，正常男人見到索女都難抵誘惑，甘願幫襯。

偷跳貼士

服務：過夜

價格：¥1,000