難為了保母

這位澳門夜總會的保母跟我說，現在的囡囡是很難管的，尤其是靚女，你管得太嚴，她轉頭溜了的話，老闆反而會倒過來怪你：「點解嚇走的優質囡囡？冇靚女邊個招待人客，你嚟做呀？」但要知道，不管又或者管得寬鬆的話，夜總會的女孩來自四方八面，真的是一發不可收拾，「打個比喻，公司規定囡囡一定要着T-back先可以埋枱，你唔睇緊啲，唔個個女Check住，咩大牛龜、卡通底褲都夠膽着出嚟；仲有呀，公司規定唔可以帶手提電話坐枱o架，我哋呢啲高消費場唔同你上面嗰啲，我哋絕對唔容許囡囡坐坐吓拎部電話出嚟傾，咁你話唔畀，啲女咪側側膊校震機入房囉，管得嚴嘅，係咪要檢查清楚唔容許佢帶手機坐枱呢？」

管不好，上頭會怪罪於她；管得嚴，把囡囡都嚇跑了，也有壓力，「呢個位唔好做o架，所以好多同期嘅同行都已經轉咗去賭場做啦！」

她說，其實她不應該抱怨，最起碼，她的場對於囡囡設了一套比較公正的升遷制度，管理上算是相對容易了：「升做啲Model呀、超模呀，對啲女嚟講係一份虛榮，我哋呢邊唔係你靚就做到，仲要睇考勤同守規矩，啲女起碼唔敢太放肆嘅。」