裸體園藝日
每日都要面對沉重嘅工作，又要面對成日都無理取鬧嘅上司，壓力真係好大，所以一放假，好多人都會考慮去郊外旅遊，又或者簡簡單單喺屋企玩吓園藝，藉此陶冶性情，紓解壓力。而外國人屋企通常都有前後花園，玩園藝都可以隨心所欲，部分喜愛以全裸姿態接觸大自然嘅天體愛好者，更加鍾意又玩園藝又露肉，所以2007年時就有人發起世界裸體園藝日，鼓勵全球人類一齊剝光豬玩園藝！
今年呢個活動已經嚟到第6屆，日期定於5月5日舉行，大家不妨喺屋企支持一下。如果想參觀一下外國人點樣玩裸體園藝的話，最好就去到是次活動嘅發源地─美國威斯康辛州，包你大把嘢（目及）。
活動名稱：World Naked Gardening Day
日期：2012年5月5日