身光頸靚係唔同
最近我出咗部5吋巨芒智能手機，又換埋部新Pad Pad，班Friend見到，不知幾咁羨慕又妒忌。而早幾日，我又豪花幾萬銀買咗個名牌手袋，孭住佢行街街，真係提升唔少自信呀！
有人問我，啲皮肉錢搵得咁辛苦，點解亂咁花錢，建議我應該買啲保值嘅嘢，否則將來就會後悔喎！我當然知道買磚頭同黃金保值啦，咪睇得我咁膚淺至得o架！之不過，如果我唔落重本裝身，又點吸引到客人呢？仲有身價都可以嗌高啲啦！我識得個女仔，佢入行做援交冇耐，就將賺到嘅錢全部買晒股票，反而唔花啲錢嚟扮靚，一身MK Look示人，客人自然唔滿足，甚至彈鐘啦！有套電影，片中有個殺手嘅對白咁樣講：「有鞋着嘅殺手，比冇鞋着嘅貴啲。」咪正正就係呢個道理囉。不過，除咗因為可以叫高身價外，有時街上女途人見到我着到身光頸靚，流露出羨慕又妒忌嘅眼神，真係令我好有滿足感o架！