性感尤物王洋

唔少模特兒經過好幾年後，事業發展都未如理想，原因係佢哋形象唔夠鮮明，一時走純情路線，一時又行性感，令人印象模糊，而今日要介紹嘅呢位靚女王洋，就絕對冇呢方面問題喇！

出道咗兩年嘅王洋，主要做平面模特兒，佢嘅入行經過同一般靚女模特兒唔同，唔係選美出身，亦唔係藝院畢業，原來佢係行街時畀星探發掘而入行。

全裸演出

嚟自黑龍江佳木斯嘅王洋，身材真係冇得彈，三圍有35-25-36，玲瓏浮凸，加上172cm身高，配埋一雙42吋修長美腿，可以話係完美無瑕。初出道時，王洋主力拍攝婚紗照，而佢只係露出一條事業線就已經性感十足，迷倒一眾網友，亦因為反應咁好，王洋便決定走性感路線，拍攝唔少超性感寫真，甚至全裸上陣，噴血度極高，引起網友爭相轉貼，亦因此令王洋人氣急升，同時成為新一代嘅性感女神。

望做歌星

唔少模特兒為咗博出位，不惜自製緋聞嚟吸引人注意，但係王洋就十分正路，憑住實力及認真嘅工作態度而上位，所以王洋喺模特兒界一定有排紅呀！另外，王洋話自己好喜歡唱歌，若然可以做埋歌星作雙線發展，就心滿意足了。相信粉絲們都好期待王洋出唱片，聽吓佢嘅歌聲嘅。

王洋Profile

出生地：黑龍江佳木斯

三圍：35-25-36

身高：172cm

興趣：唱歌、上網