美女商務午餐
生意人同客人共進商務午餐，絕對係平常不過嘅事情，不過有啲蠱惑商人為咗氹客人歡喜，好多時會無所不用其極，最近有間專做商務午餐嘅高檔餐廳，就推出咗一款美人套餐，食完飯仲有美人做甜品，客人點會唔滿意呢！
誘人甜品
呢間餐廳真係好有諗頭，幫班客仔諗埋橋氹人入局，班客事先會話定畀餐廳老闆知，邊個客人需要特別服務，性感美女侍應自然會喺送餐時大送秋波，而餐後更會送上可口甜點同埋迷人胸脯，將客人迷到暈陀陀。為咗應付呢類特別午餐服務，餐廳特別聘請咗幾位身材姣好嘅美女侍應，所以定價方面一啲都唔平，呢類商務午餐，每位最低消費至少 2千美元，視乎菜式而定，但相對於生意上落過百萬嘅客人嚟講，只係濕濕碎啫。