世界波：索女滿場飛打破性禁忌

社會愈來愈進步，大家嘅思想本應愈來愈開放，只可惜香港思想迂腐嘅衞道之士實在太多，好似之前「花拉」喺套劇露吓Bra就畀人投訴渲染色情，禁忌咁多，難怪香港麻甩佬咁唔鍾意睇電視。小弟在此提議邀請一眾衞道之士去加拿大參加呢個Taboo Show，等班索女好好點醒吓佢哋。

世界上禁忌有好多，單係我哋中國人過年已經禁忌一籮籮，不過時移勢易，家陣已經叫做寬鬆咗，但係有好多到今時今日依然牢不可破，例如睇艷舞或公開談性，此二事於香港真係不能高調進行，否則必定會招來旁人白眼，甚至鄙視你添！如果香港都可以好似加拿大咁開放，搞吓成人騷就好啦！

專家指點

提到加拿大，除咗會想起環境幽靜、空氣特別好之外，最重要都係社會思想夠開放，大家睇吓當地搞嘅Taboo Show幾受歡迎就知啦！

呢個騷全名叫做The Taboo Naughty But Nice Sex Show，係加拿大北部最大型嘅成人娛樂活動，每年會於加拿大8個不同城市舉行，據講正係為咗令每一個加拿大市民都有機會參與其中，而最近嘅一屆已於上月30日假阿伯茨褔德開幕。Taboo嘅意思即係禁忌，此騷正是為大家打破禁忌，安排一系列充滿色情嘅節目畀入場人士欣賞。呢都騷同一般嘅成人博覽大同小異，但就有其正經一面，大會安排咗好多性學專家到場講Talk，推廣正確性愛態度以及健康性生活。除咗呢啲咁正面嘅活動，當然亦有曳曳嘢啦，大會同時請嚟性技專家以及SM專家，開班教大家點樣玩SM同搵出最適合自己與伴侶嘅性愛招數，係咪好有興趣呢？

球來球往

除咗有專家公開談性之外，Taboo Show入面嘅節目亦多籮籮，例如可以行逛會場內售賣各式時尚性用品嘅攤位，亦可以行吓四仔碟檔。而為咗推廣產品，好多攤位都重金禮聘比堅尼美女到場拉客，幫襯得多就有機會同美女合照，享受食波餅嘅樂趣。

舞台上同樣令人睇到目不暇給，因為有大量艷舞表演輪流奉上，眾多舞孃個個都打扮性感，大露胸前一對巨型肉球，可謂誘人之極。之不過雖然班舞孃係豪放，但為免犯法，佢哋同場內嘅性感美女一樣，堅決唔會露出半「點」，至少都會以細細張嘅貼紙遮住兩點，但周邊露出嘅南、北半球已經夠晒養眼，包你睇到唔願走。