宅男女神楊雅熙

原來樂山除咗大佛之外，亦出名多靚女，好似楊雅熙就係其中之一，憑住標致面孔同高挑身材，俘虜大批宅男，成為宅男女神，足見其魅力沒法擋！

雅熙於2008年參加網絡模特兒比賽而入行，出道至今，其人氣一直有增冇減，更被網友封為宅男女神，皆因雅熙天生係美人胚子，有一張瓜子臉及一雙精靈大眼睛，甜美可愛，配襯一頭棕色長曲髮，充滿東洋少女味道。身材方面，身高有170cm，高挑又纖瘦，加埋一對修長美腿，外形攞足一百分。雖然雅熙嘅上圍唔算激凸，但係每次拍攝寫真時，都展現出一條深長事業線，睇到人流晒鼻血，加上佢表情豐富又瞓身演出，令寫真作品噴血度極高。

專注密密做

有網友話宅男女神嘅雅熙，本身可能都係宅女一名，事關以佢依家嘅人氣同知名度，電視台都會搵佢做節目嘉賓或主持，然而雅熙卻甚少參與，作風十分低調。雅熙喺Blog度解釋，佢想專注模特兒工作，所以較少上電視節目。的確佢現時嘅拍攝同廣告代言工作都排滿晒，真係連休息嘅時間都冇，不過佢密密接Job，收入自然豬籠入水啦！

楊雅熙Profile

出生地：四川樂山

三圍：33-23-35

身高：170cm

興趣：睇書