型格美女楊麗

女孩子擁有一對修長美腿，外形真係煞食好多，更係入娛樂圈發展嘅必備條件之一，好似今日介紹嘅靚女模特兒，因為擁有一雙修長美腿，而廣泛為人所熟悉，更被網友稱為「頂級美腿」，佢就係嚟自南京嘅楊麗。

楊麗身高有172cm，加上身材纖瘦，所以一雙40吋修長美腿，零舍搶眼。小妮子於2009年出道，最初主力拍攝少女時裝照，有次佢穿着一條超短迷你裙拍照，展露一雙長腿，因而令人留下深刻印象。自此之後，網友就十分留意楊麗雙腿，更封佢為10大長腿王后之一。

風騷入骨

經過大約兩年嘅磨練之後，楊麗嘅形象從美少女轉型至性感時尚熟女，所以除咗大賣一雙長腿之外，仲要騷身材。但咪以為楊麗成名後就會錫身將美好身段收收埋埋，佢近年拍攝嘅寫真，反而比初出道時更大膽、更前衞，甚至唔介意真空上陣，雖然楊麗上圍只有31吋，但喺左唧右夾底下都有啲睇頭，加上佢表情十足，拍攝出來嘅效果，比起巨乳妹仲要性感，用騷在骨子裏嚟形容楊麗，真係最合適不過。

美感十足

好多新進模特兒喺打扮或者造型上，都喜歡走日韓可愛公主路線，但楊麗就選擇走歐美型格路線，所以佢嘅寫真畫面豐富，除咗富有美感之外，仲好有意境，觀賞度極高。

楊麗十分專注工作，以佢目前嘅受歡迎程度，照計可以上電視做綜合節目主持或者拍電影，但佢甚少參與，因為佢要專心做好模特兒工作，證明佢份人專一又認真。至於粉絲們，就梗係希望楊麗繼續拍多啲性感寫真，等佢哋大飽眼福啦！

楊麗Profile

出生地：江蘇南京

三圍：31-24-33

身高：172cm

興趣：旅遊