世界波：索女車神 飛車露乳玩濕身

香港路面狹窄，好多愛車人士，特別係鍾意飛車嘅朋友，都苦無場地玩樂，未能盡情享受風馳電掣嘅感覺。其實，如果真係有心，佢哋大可以去美國加州，該處土地遼闊，仲有好多飛車黨，佢哋不時都會大搞飛車活動，除咗有得鍊車喪玩，仲有好多女(目及)添！

本身就好鍾意賽車嘅我，最近從網友口中得知，原來美國加州有一個名為Redwoods Run嘅活動，好啱我呢啲賽車迷參加，於是我就立即上網搵資料，順便同大家介紹吓。

宿營喪溝

Redwoods Run係由加州嘅一班飛車同濟會發起嘅車壇盛事，而呢個同濟會於1915年已經成立，時至今日已經發展成一個由28個來自美國各州份飛車組織組成嘅同濟會。由於成員眾多，所以周不時都會搞飛車活動，更於1977年開始，定於加州紅木林國家公園（Redwoods National Park）舉行為期三日嘅Redwoods Run飛車黨聯誼活動。

由於不少參與活動嘅飛車黨員皆來自不同州份，故此喺呢三日裏面，大家順便玩埋宿營，一來方便同好參與各樣活動，二來又可以畀黨員互溝，所以不時可以見到於營地附近，有好多急色男女攬作一團，上演火辣場面。

濕Tee比賽

Redwoods Run嘅會期通常定於熱情洋溢嘅6月，雖然美國冇香港咁潮濕悶熱，但活動場地冇瓦遮頭，主要舞台都只係得塊大帆布遮住，真係熱到人都癲。為咗消暑，賽會特別推出濕Tee比賽，但只限女士參與。

比賽時女士們需要真空上陣，外面只係着住一件大會提供嘅白色Tee。而比賽嘅時候，女士們可以選擇由職員或自己動手淋濕自己，濕透嘅白Tee透出豐滿嘅雙峰，兩粒乳點若隱若現。之後，參賽者需要以辣慶現場觀眾同評判為目標，進行自選動作，例如自摸雙峰，喪揈豪乳，甚至同其他參賽者胸撞胸玩互磨亦得。

飆車咬腸

除咗濕Tee比賽，Redwoods Run當然仲有其他重點比賽環節，一般同時間競賽嘅飛車比賽固然有，此外亦有飄移較技、花式飛車等。不過，最別開生面、又惹人注目嘅，則係咬腸比賽。

比賽需要一男一女進行，由男方騎電單車，女方則坐在後座，當架車駛到去Check Point嘅時候，女方就要咬住掛於頭頂橫欄上嘅腸仔然後扯脫，同時間男方需要保持一定車速，開得太快，女伴分分鐘從車上撻落地，真係好考男方嘅駕駛技術同女方嘅口技。

呢個Redwoods Run節目咁豐富，就算唔係車迷都可以去參觀吓，如果大家都想玩埋一份，今年6月8至10日就要Stay喺加州喇！